👉కలుషిత నీరు తాగి అనారోగ్యాల పాలు 

గూడెం కొత్త వీధి పెన్ పవర్ జులై 14: అల్లూరి సీతారామరాజు జిల్లా గూడెం కొత్తవీధి మండలం రింతాడ పంచాయతీ నేలపాడు గ్రామంలో కలుషిత నీరు తాగి అనారోగ్య పాలవుతున్నామని గ్రామస్తులు ఆవేదన వ్యక్తం చేస్తున్నారు.తమ గ్రామానికి గ్రావిటీ ద్వారా మంచినీటి సౌకర్యం కల్పించినప్పటికీ వాటర్ ట్యాంకుకు పైకప్పు ఏర్పాటు చేయలేదని దీంతో వర్షం పడితే వర్షం నీరు దీంట్లో చేరుతుందని,వర్షం నీరు తాగి అనారోగ్యాల పాలు అవుతున్నామని ఆవేదన వ్యక్తం చేశారు. అలాగే పైకప్పు లేకపోవడం వలన చెత్తాచెదారం,ఇతర క్రిమి కీటకాలు వాటర్ ట్యాంక్ వద్ద చేరే అవకాశం అధికంగా ఉందని ఆందోళన వ్యక్తం చేస్తున్నారు. అలాగే పైపుల ఏర్పాటు కూడా గుత్తేదారుడు సరిగ్గా ఏర్పాటు చేయలేదని కావున అధికారులు స్పందించి వాటర్ ట్యాంక్ పైకప్పు ఏర్పాటుచేసి, పైపులు సక్రమంగా ఏర్పాటు చేయాలని గ్రామస్తులు కోరుతున్నారు.

✒️ పెన్ పవర్ గూడెం కొత్త వీధి