కలెక్టర్ ను కోరిన ఎంపీ డాక్టర్ గుమ్మా తనూజ రాణి 

స్టాప్ రిపోర్టర్,పాడేరు,గూడెం కొత్తవీధి,పెన్ పవర్,జూలై 19: అల్లూరి సీతారామరాజు జిల్లా కలెక్టర్ ఏఎస్ దినేష్ కుమార్ ను అరకు పార్లమెంటు సభ్యురాలు డాక్టర్ గుమ్మ తనుజారాణి మర్యాదపూర్వకంగా కలిశారు.పుష్పగుచ్చం అందించి దుస్సాల్వతో సన్మానించి జ్ఞాపికను బహుమతిగా ఇచ్చారు. ప్రస్తుత వర్షాకాలాన్ని దృష్టిలో ఉంచుకొని సీజనల్ వ్యాధులు రాకుండా తాగునీరు కలుషితం కాకుండా తీసుకోవలసిన జాగ్రత్తలను ప్రజలకు వివరించాలని,వ్యాధుల పట్ల అప్రమత్తంగా ఉండేలా చర్యలు చేపట్టాలని జిల్లా కలెక్టరును కోరారు.ఎప్పటికప్పుడు గ్రామాలలో శానిటేషన్ చేసేలా చర్యలు చేపట్టాలని వైద్యాధికారులను అప్రమత్తం చేస్తూ ఎల్లప్పుడూ ప్రజలకు అందుబాటులో ఉండేలా వారికి ఆదేశాలు జారీ చేయాలని కోరారు.

జిల్లా కలెక్టర్ ను కలిసిన వారిలో ఎంపీ డాక్టర్ తనూజ రాణి భర్త చెట్టి వినయ్ కూడ వున్నారు.