ఆలమూరు మండలంలోని జొన్నాడ గ్రామంలో వేంచేసి ఉన్న కుంతీదేవి అమ్మవారి జాతర మహోత్సవాలను ఆ గ్రామ ఎస్సీ సంఘం,ఆలయ కమిటీ సభ్యుల ఆధ్వర్యంలో గురువారం ఘనంగా ప్రారంభించారు.ఈ ఉత్సవాలలో యువ నాయకుడు బండారు సంజీవ్, శ్రీ మురళీకృష్ణ సంస్థల అధినేత వంటిపల్లి పాపారావు, తాడి శ్రీనివాసరెడ్డి (బట్టీ శ్రీను), గొడవర్తి దుర్గాప్రసాద్ (బాబీ ) పాల్గొని అమ్మవారిని దర్శించుకుని ప్రత్యేక పూజలు నిర్వహించి తీర్థ ప్రసాదాలు స్వీకరించారు. ఈ సందర్భంగా వారు మాట్లాడుతూ అమ్మవారిని దర్శించుకోవడం చాలా సంతోషంగా ఉందని,అమ్మవారి చల్లని దీవెనలతో గ్రామ ప్రజలందరూ సుఖ సంతోషాలతో ఆయురారోగ్యాలతో ఎల్లవేళలా ఉండాలని ఆకాంక్షించినట్లు తెలిపారు. అనంతరం ఆలయ అభివృద్ధి కొరకు లక్ష రూపాయల భారీ విరాళాన్ని బండారు సంజీవ్ సమక్షంలో తాడి శ్రీనివాస్ రెడ్డి (బట్టి శీను) కమిటీ సభ్యులకు అందజేశారు.ఈ మేరకు కమిటీ సభ్యులు వారిని దృశ్యలువాలతో ఘనంగా సత్కరించారు.