ఎన్డీఏ కూటమి బిజెపి ఎంపీ అభ్యర్థి కొత్తపల్లి గీత రంపచోడవరం టిడిపి ఎమ్మెల్యే అభ్యర్థి మిరియాల శిరీష దేవి బుధవారం రంపచోడవరం నియోజకవర్గం లో ఎన్నికల ప్రచారాని దైవ ప్రార్థనతో శ్రీకారం చుట్టారు .బిజెపి ఎంపీ అభ్యర్థి కొత్తపల్లి గీత టిడిపి ఎమ్మెల్యే అభ్యర్థి శిరీష రంపచోడవరం మండలం సీతపల్లి లో గల శ్రీ శ్రీ గడి బాపనమ్మ తల్లి ఆలయంలో  ప్రత్యేక పూజలు నిర్వహించారు. అమ్మవారికి మొక్కులు చెల్లించుకున్నారు. అలాగే గంగవరం వై జంక్షన్ లో గల శ్రీ శ్రీ హనుమాన్ ఆలయంలో కొబ్బరికాయలు కొట్టి తమ గెలుపు కోసం ప్రత్యేక పూజలు నిర్వహించారు. వీరి వెంట టిడిపి, బిజెపి, జనసేన నాయకులు పాల్గొన్నారు.