కాకినాడ జిల్లా కరప మండలం వేములవాడ పీఏసీఎస్ లో బుధవారం బాధితకుటుంబానికి ఆర్థికసాయంగా రూ 2 లక్షలు చెక్కు ఆసొసైటీ చైర్మన్ బండే తాతాజీ అందజేశారు. పీఏసీఎస్ పరిధిలోని రైతు వి.సూరిబాబు ఇటీవల పాముకాటుకు గురై మరణించగా, అతని భార్య కృష్ణవేణికి సొసైటీ ద్వారా ఆర్థికసాయమందించినట్టు తాతాజీ తెలిపారు. పీఏసీఎస్ మాజీచైర్మన్ ఉద్దండ సూర్యనారాయణ, వైఎస్సార్సీపీ నాయకుడు కమిడి శంకర్, సీఈఓ నల్లా వెంకటేశ్వరరావు తదితరులు పాల్గొన్నారు.