కాకినాడ జిల్లా జగ్గంపేటలో ఆదివారం రాజు యాదవ్ సినిమా టీం పర్యటించింది. సినిమా హీరో గెటప్ శ్రీను, హీరోయిన్ అంకిత ఖరత్, డైరెక్టర్ తదితర సినిమా బృందం జగ్గంపేటలోని కృష్ణవేణి థియేటర్లో ఆడుతున్న రాజు యాదవ్ సినిమా మార్నింగ్ షో కు విచ్చేశారు. ఈ సందర్భంగా కొద్దిసేపు అభిమానులతో కలిసి సినిమా చూశారు. అనంతరం చిత్రం విజయోత్సవం పురస్కరించుకొని థియేటర్ యాజమాన్యం బూర్లు సాయి ఏర్పాటు చేసిన కేక్ కట్ చేశారు. తొలుత హీరో హీరోయిన్లకు జగ్గంపేట జనసేన ఇన్చార్జి తుమ్మలపల్లి రమేష్ పుష్పగుచ్చమిచ్చి స్వాగతం పలికారు. భారీ సంఖ్యలో అభిమానులు పాల్గొని సెల్ఫీల కోసం ఎగబడ్డారు.