స్టాప్ రిపోర్టర్,పాడేరు,గూడెం కొత్తవీధి,పెన్ పవర్,జూలై 5: అల్లూరి సీతారామరాజు జిల్లా గూడెం కొత్తవీధి మండలం రంపుల గ్రామంలో నున్న పలు సమస్యలను పరిష్కరించాలని కోరుతూ శుక్రవారం గ్రామస్తులు జిల్లా కలెక్టర్ ఏఎస్ దినేష్ కుమార్ కు,ఎమ్మెల్యే యం. విశ్వేశ్వర రాజుకు మర్యాదపూర్వకంగా కలిసి వినతి పత్రం సమర్పించారు. రంపుల గ్రామం గుండా నిర్మిస్తున్న నేషనల్ హైవే కారణంగా పొలాలలో సాగు చేయలేని పరిస్థితి ఏర్పడిందని, హైవే నిర్మాణం వల్ల పొలాలకు అందే నీటి సదుపాయం కొరబడిందని ఆవేదన వ్యక్తం చేశారు. వ్యవసాయాన్ని నమ్ముకున్న గిరిజనులకు ఈ సమస్యను పరిష్కరించి సహాయం చేయాలని వినతి పత్రంలో కోరారు. అలాగే గ్రామంలో ఉన్న పాఠశాల భవనం శిధిలా వ్యవస్థకు చేరుకుందని, ఎప్పుడు పడిపోతుందో తెలియని పరిస్థితిలో భవనం ఉందని, భయంతో పిల్లలు బిక్కుబిక్కుమంటూ చదువులు సాగిస్తున్నారని నూతన పాఠశాల బిల్డింగ్ మంజూరు చేయాలని కోరారు.ఈ కార్యక్రమంలో జిల్లా వైసీపీ కార్యదర్శి కంకిపాటి గిరిప్రసాద్, కంకిపాటి వీరన్నపడాల్, పోతురాజు హరిప్రసాద్, పోతురాజు సీతమ్మ,పొత్తూరు గోపాల్,నరేష్, హనుమంతరావు తదితరులు పాల్గొన్నారు.