✒️జులై 18నుండి 28వ తారీకు వరకు  

✒️యువకులు సభ్యత్వ నమోదు కార్యక్రమాన్ని సద్వినియోగం చేసుకోవాలి 

✒️అరకు పార్లమెంట్ జనసేన అధ్యక్షులు పాడేరు ఇంచార్జ్  

👉డాక్టర్ వంపూరి గంగులయ్య

(స్టాఫ్ రిపోర్టర్ మాదిరి చంటిబాబు )పాడేరు,గూడెం కొత్తవీధి,పెన్ పవర్,జూలై 15:రాష్ట్రవ్యాప్తంగా జులై18 వ తారీకు నుండి 28వ తారీకు వరకు జనసేన పార్టీ చేపట్టినటువంటి క్రియాశీలక సభ్యత్వ నమోదు కార్యక్రమాన్ని యువత సద్వినియోగం చేసుకొని కుటుంబానికి ఆర్థిక భరోసా కల్పించడానికి కృషి చేయాలని ఈ కార్యక్రమాన్ని జయప్రదం చేయాలని అరకు పార్లమెంట్ జనసేన పార్టీ అధ్యక్షులు పాడేరు ఇంచార్జ్ డాక్టర్ వంపూరి గంగులయ్య పిలుపునిచ్చారు. క్రియాశీలక సభ్యత్వం తీసుకుంటే కలిగే ప్రయోజనాలను వివరించారు.ప్రమాదవశాత్తు ఏమైనా జరగకూడనిది జరిగితే కుటుంబానికి ఎంతో కొంత చేయూతనివ్వటానికి ఉపయోగపడట మనేది ఈ క్రియాశీలక సభ్యత్వ నమోదు ముఖ్య ఉద్దేశమని అన్నారు.500 రూపాయలు కట్టి క్రియాశీలక సభ్యత్వం పొందడం వల్ల ప్రమాదం జరిగి ఆసుపత్రి పాలైతే 50వేల రూపాయల వరకు మెడికల్ పాలసీ వర్తిస్తుందని,

అలాగే ప్రమాదంలో జరగకూడనిది జరిగి మరణం సంభవిస్తే ఐదు లక్షల రూపాయల ఇన్సూరెన్స్ ఇవ్వటం జరుగుతుందని తెలిపారు.జనసేన పార్టీ ఏర్పాటు చేయబోయే కమిటీలలో క్రియాశీలక సభ్యత్వం పొందిన వారికి అవకాశం ఉంటుందని,పార్టీతో అనుబంధం ఎప్పుడు వారికి ఉంటుందని గంగులయ్య తెలిపారు.కాబట్టి క్రియాశీలక సభ్యత్వం పొందటం ఒక గౌరవం అని అన్నారు.జూలై 18 నుండి 28 వరకు జరిగే క్రియాశీలక సభ్యత్వ నమోదు కార్యక్రమంలో యువత అధిక సంఖ్యలో క్రియా శీలక సభ్యత్వం పొందాలని దానిద్వారా పొందే ప్రయోజనాలను సద్వినియోగం చేసుకోవాలని డాక్టర్ గంగులయ్య మీడియా ద్వారా పిలుపునిచ్చారు.