స్టాప్ రిపోర్టర్/పాడేరు/గూడెం కొత్తవీధి,పెన్ పవర్,ఆగష్టు13: ఈ నెల 15వ తేదీన నిర్వహించనున్న 78వ స్వాతంత్ర్య దినోత్సవాన్ని ఎన్నికల కోడ్ దృష్టిలో పెట్టుకుని ఘనంగా నిర్వహించడానికి అన్ని ఏర్పాట్లు చేయాలని సంయుక్త కలెక్టర్ డాక్టర్.ఎం.జె.అభిషేక్ ఆదేశించారు.మంగళవారం కలెక్టరేట్ నుండి జిల్లా అధికారులతో నిర్వహించిన వీడియో కాన్ఫరెన్స్ లో జేసి మాట్లాడుతూ,ఉదయం 07.30 గంటలకు కలెక్టరేట్ లో జాతీయ జండాను ఎగురవేస్తారని,09.00గంటలకు తలారిసింగి పాఠశాల పెరేడ్ గ్రౌండ్ లో జిల్లా కలెక్టర్ ఎఎస్ దినేష్ కుమార్ జాతీయ జండాను ఎగురవేసి గౌరవ వందనం స్వీకరిస్తారని తెలిపారు.పెరేడ్ అనంతరం శకటాలు పాడేరు వీధులలో తిరగాలని సూచించారు.ఈ సందర్భంగా స్వాతంత్ర్య దినోత్సవ వేడుకలకు సంబింధించిన ఏర్పాట్లపై ఆరా తీసారు.బుధవారానికి గ్రౌండ్, వేదిక, సీటింగ్ అరేంజ్మెంట్, మైక్ సిస్టం సిద్ధం చేయాలన్నారు.మాస్ డ్రిల్,సాంస్కృతిక కార్యక్రమాలు రిహార్షల్స్ పూర్తి చేసి ప్రదర్శనకు సిద్ధం కావాలని ఆదేశించారు. మైదానంలో ఏర్పాటు చేయాల్సిన స్టాల్స్ సిద్ధం చేయాలన్నారు.పోలీస్ కవాతు, ఇతర ప్రదర్శనలు రిహార్శల్స్ పూర్తి చేయాలన్నారు.నిరంతర విధ్యుత్ సరఫరాకు విధ్యుత్ శాఖ చర్యలు తీసుకోవాలన్నారు.ఈ వీడియో కాన్ఫరెన్స్ లో రంపచోడవరం నుండి సబ్ కలెక్టర్ ఎస్. ప్రశాంత్ కుమార్,చింతూరు నుండి ఆర్డిఓ వి. చైతన్య, కలెక్టరేట్ నుండి డిఆర్ఓ బి.పద్మావతి, డిపిఆర్ఓ గోవింద రాజులు,ఎస్డిసి వివిఎస్ శర్మ, తదితరులు, జిల్లా నుండి వివిధ శాఖల అధికారులు తదితరులు పాల్గొన్నారు.