గూడెం కొత్తవీధి,పెన్ పవర్, సెప్టెంబర్ 27:ఇటీవల కురిసిన భారీ వర్షాలకు అల్లూరి సీతారామరాజు జిల్లా గూడెం కొత్తవీధి మండలంలో దారకొండ,గుమ్మిరేవుల పంచాయతీలలో అపార నష్టం సంభవించింది.అనేకమంది నిరాశ్రయులయ్యారు.పాడేరు శాసనసభ్యులు అల్లూరి జిల్లా వైసిపి అధ్యక్షులు మత్స్యరాస విశ్వేశ్వర రాజు 28వ తారీకు శనివారం ఉదయం గూడెం కొత్తవీధి మండలం దారకొండ, గుమ్మిరేవుల పంచాయతీలలో తుఫాన్ కారణంగా నష్టపోయిన రైతులను, బాధితులను పరామర్శించనున్నారు. ఎమ్మెల్యే పర్యటన దృష్టిలో పెట్టుకొని మండలంలోని జడ్పిటిసి, ఎంపీపీ, ఎంపీటీసీలు సర్పంచులు వైయస్సార్ కాంగ్రెస్ పార్టీ నాయకులు ఈ కార్యక్రమంలో పాల్గొనాలని పార్టీ కార్యాలయం ఒక ప్రకటనలో పేర్కొంది.