భారత రాజ్యాంగం మాలల అభివృద్ధి కోసం నిర్దేశించిన హక్కులను ఏజెన్సీలోని మాలలకు వర్తింపజేయాలని రంపచోడవరం డివిజన్ మాల మహానాడు కన్వీనర్ బొల్లవరపు జయరాజు డిమాండ్ చేశారు. మండలంలోని మొల్లేరులో డాక్టర్ బి.ఆర్ అంబేద్కర్ జయంతి వేడుకలను పురస్కరించుకుని అంబేద్కర్ విగ్రహానికి పూలమాలలు వేసి జయంతి వేడుకలను ఘనంగా నిర్వహించారు .ఈ సందర్భంగా ఆయన మాట్లాడుతూ ఏజెన్సీలో నివసిస్తున్న మాలలకు గిరిజన చట్టాలకు లోబడి ఎటువంటి సంక్షేమ పథకాలు వర్తింప చేయడం లేదని ఆయన ఆవేదన వ్యక్తం చేశారు. ఏజెన్సీలు నివసిస్తున్న మాలలకు శాశ్వత గృహ నిర్మాణం పథకాలు రుణాలను మంజూరు చేసి యువతకు ఉపాధి అవకాశాలు కల్పించాలని ఆయన కోరారు. ఈ కార్యక్రమంలో మాల మహానాడు నాయకులు, బీసీ కమిటీ నాయకులు పాల్గొన్నారు.