చంద్రగిరి ఎమ్మెల్యేగా చెవిరెడ్డి మోహిత్ రెడ్డిని ఆదరించండి 
అందరికీ మంచి చేస్తాడు.. కష్టంలో ఆదుకునే సద్గుణం కలిగిన వ్యక్తిగా మోహిత్ ను అందరూ గుర్తించాలని చెవిరెడ్డి లక్ష్మీ విజ్ఞప్తి చేశారు.తిరుపతి రూరల్ మండలం సాయినగర్ పంచాయతీ పరిధిలో శనివారం ఎన్నికల ప్రచారం నిర్వహించారు. ప్రతి ఇంటా ఆమెకు హారతి పట్టిన మహిళలు తప్పకుండా ఆదరిస్తామన్నారు. గతంలో ఎన్నడూ లేని విధంగా సాయినగర్ పంచాయతీ పరిధిలో అభివృద్ధి జరిగిందని స్పష్టం చేశారు. చెవిరెడ్డి కుటుంబం పట్ల జనం నీరాజనం పలకడం చూస్తే తాము ఏ జన్మలో చేసిన పుణ్యఫలమో తెలియదని చెవిరెడ్డి లక్ష్మీ ఆనందం వ్యక్తం చేశారు. మోహిత్ రెడ్డి విజయానికి ప్రతి ఒక్కరూ సైనికులుగా పనిచేసి అండగా నిలవాలని విజ్ఞప్తి చేశారు. తిరుపతి కార్పొరేషన్ తో సమానంగా సాయినగర్ పంచాయతీ అభివృద్ధి జరిగిందని, ప్రధానంగా మౌళిక వసతుల కల్పనకు ప్రాధాన్యత కల్పించినట్టు వివరించారు.ఈ కార్యక్రమంలో స్థానిక ప్రజా ప్రతినిధులు, వైఎస్ఆర్ కాంగ్రెస్ పార్టీ నేతలు, కార్యకర్తలు పాల్గొన్నారు