స్టాఫ్ రిపోర్టర్,పాడేరు/గూడెం కొత్త వీధి, పెన్ పవర్,జూలై 20: అల్లూరి సీతారామరాజు జిల్లాలో భారీ వర్షాల నేపధ్యంలో వర్షాలు తగ్గుముఖం పట్టేవరకు ఐదు ఘాట్ రోడ్లలో శనివారం నుండి భారీ వాహనాలు, బస్సులు, ప్రైవేటు జీపులు రవాణాను సాయంత్రం 07.00 నుండి ఉదయం 06.00 గంటల వరకు నిషేదిస్తూ జిల్లా కలెక్టర్ ఎఎస్ దినేష్ కుమార్ నిషేద ఉత్తర్వులు జారీ చేసారు. అందులో భాగంగా వడ్డాది – పాడేరు ఘాట్ రోడ్, పాడేరు – చింతపల్లి కొక్కరాపల్లి ఘాట్ రోడ్, డౌనూరు – లంబసింగి ఘాట్ రోడ్, రంపచోడవరం – చింతూరు – మారేడుమిల్లి ఘాట్ రోడ్, ఎస్.కోట – అరకు అనంతగిరి రోడ్ మొదలగు ఐదు ఘాట్ రోడ్లలో ఈ నిషేద ఉత్తర్వులు పకడ్బందీగా అమలు చేయాలని కలెక్టర్ ఆదేశించారు.