గూడెంకొత్తవీధి,పెన్ పవర్, సెప్టెంబర్ 29:గూడెంకొత్తవీధి మండలంలో వైకాపాకు చెందిన ఉప ఎంపీపీ, ఎంపీటీసీ సభ్యులు తెదేపాలో చేరారు.వైస్ ఎంపీపీ సప్పగడ్డ ఆనందరావు, ఎంపీటీసీ సభ్యులు పసుపులేటి నాగమణి(జీకే వీధి), జోరంగి సరస్వతి(వంచుల), మాడి రామన్న (దారకొండ), కిల్లో ఉల్లాష్ (దుప్పుల వాడ) వైకాపా మద్దతుతో గెలిచారు. వీరు గత మూడు నెలలుగా వైకాపా కార్యక్రమాలకు దూరంగా ఉన్నారు. తెదేపా రాష్ట్ర అధ్యక్షులు పల్లా శ్రీని వాసరావు, పాడేరు నియోజకవర్గ ఇన్చార్జి గిడ్డి ఈశ్వరి సమక్షంలో అమరావతిలోని పార్టీ కేంద్ర కార్యాలయంలో వారు తెదేపాలో చేరినట్లు ఆ పార్టీ మండల అధ్యక్షుడు ముక్కలి రమేష్ తెలిపారు.పార్టీ కార్యక్రమాలకు ఆకర్షితులై వైకాపా నుంచి తెదేపాలో చేరామని వైస్ ఎంపీపీ, ఎంపీటీసీ సభ్యులు తెలిపారు. తెదేపా రాష్ట్ర ప్రధాన కార్యదర్శి బొర్రా నాగరాజు, బీసీ సెల్ రాష్ట్ర ఉపాధ్యక్షులు పొలుపర్తి గోవిందరావు, అరకు పార్లమెంట్ మహిళా కార్యదర్శి గబ్బాడ శాంతికుమారి తదితరులు పాల్గొన్నారు.