గూడెం కొత్తవీధి,పెన్ పవర్, జులై 16: అల్లూరి సీతారామరాజు జిల్లా గూడెం కొత్త వీధి మండలం రింతాడ పంచాయతీ గుర్రాల గొంది గ్రామంలో మంగళవారం ఇండియన్ మినిస్ట్రీ సొసైటీ(ఐఎంఎస్) తమిళనాడు వారి ఆధ్వర్యంలో సుమారు 13 లక్షల అంచనా వ్యయంతో నిర్మించిన చర్చిని ఘనంగా ప్రారంభించారు. ఈ కార్యక్రమానికి ముఖ్య అతిథులుగా తమిళనాడు నుండి ఆర్ ఎఫ్ సి రెవరెండ్, ఏ.జాకబ్,జయరాజు పాల్గొని చర్చి ప్రారంభోత్సవాన్ని చేశారు. అతిథులుగా పాల్గొన్న దైవజనులు సువార్తను ప్రకటిస్తూ ప్రసంగించారు.ఈ కార్యక్రమంలో ఐఎంఎస్ ఫీల్డ్ ఇంచార్జ్ వి రాజేష్ పాల్, పాస్టర్ మర్రి మోషే, కె క్రిస్టియన్ రాజు,వంటల జేమ్స్,చింతపల్లి ఫీల్డ్ సేవకులు పాల్గొన్నారు. చర్చి ప్రారంభోత్సవ కార్యక్రమంలో సుమారు 200 మంది పాల్గొన్నారు. ఈ సందర్భంగా స్థానిక పాస్టర్ ఎం వసంతపాల్ చర్చి ప్రారంభోత్సవానికి వచ్చిన ప్రతి ఒక్కరికి కృతజ్ఞతలు తెలుపుతున్నామని, మారుమూల గ్రామమైన మా గుర్రాల గొంది గ్రామంలో చర్చి నిర్మాణానికి ఆర్థిక సహాయం చేసిన ఇండియన్ మినిస్ట్రీ సొసైటీ వారికి రుణపడి ఉంటామని తెలిపారు.