స్టాప్ రిపోర్టర్,పాడేరు/గూడెం కొత్తవీధి,పెన్ పవర్,జులై 8: ఇటీవల శాసనమండలి సభ్యునిగా జనసేన పార్టీ తరఫున ఏకగ్రీవంగా ఎన్నికైన పి.హరిప్రసాదును అరకు పార్లమెంట్ జనసేన పార్టీ అధ్యక్షుడు,పాడేరు ఇంచార్జ్ డాక్టర్ వంపురి గంగులయ్య మర్యాదపూర్వకంగా కలిసి పుష్పగుచ్చం అందించి, దుస్సాలువ కప్పి సన్మానించి అభినందనలు తెలియజేశారు. ఈ సందర్భంగా గంగులయ్య మాట్లాడుతూ జనసేన పార్టీ అధ్యక్షుడు ఉప ముఖ్యమంత్రి పవన్ కళ్యాణ్ సిద్ధాంతాలు, పార్టీ భావజాలం ప్రజలలో విస్తృత స్థాయిలో చేరటానికి మీరు చేసిన కృషి అభినందనీయమని,ఇప్పుడు మీకు శాసనమండలి సభ్యునిగా చట్టసభల్లో అడుగుపెట్టే అవకాశాలు రావటం సంతోషించదగ్గ విషయమని మీ వంతుగా మీ గళం ప్రజల కొరకు,జనసేనాని సిద్ధాంతాల రాజకీయాలపై మీదైన భాని వినిపించాలని అన్నారు. గిరిజన ప్రజల ఇలవేల్పు శ్రీ మోదకొండమ్మ అమ్మవారి ఆశీస్సులతో ఆయురారోగ్యాలతో ఉంటూ ప్రజా సేవ చేయాలని పి.హరిప్రసాద్ను పాడేరు జనసేన పార్టీ ఇంచార్జ్ డాక్టర్ వంపూరి గంగులయ్య అభినందనలు తెలుపుతూ సూచించారు.