గూడెం కొత్తవీధి,పెన్ పవర్,జులై 22:రాష్ట్రంలో తుఫాను హెచ్చరికలు ఉన్న కారణంగా అధిక వర్షపాతం నమోదవుతున్న తరుణంలో మన గిరిజన ప్రాంతాలలో గేడ్డలు, వాగులు పొంగి ప్రవహిస్తున్నాయిని అత్యవసర పరిస్థితులలో రాకపోకలు జరిపేటప్పుడు తగు జాగ్రత్తలు తీసుకోవాల వంచుల పంచాయతీ సర్పంచ్ వనపల కాసులమ్మ @రాజేష్ దంపతులు ప్రజలకు పిలుపునిచ్చారు.

భారీ వర్షాల వల్ల పంట నష్టం, ఆస్తి నష్టం జరిగినచో సంబంధిత అధికారులకు ఫిర్యాదు చేయాలని ఈ విషయం పట్ల అధికారులు రైతులకు అండగా నిలబడాలని కోరారు.వర్షాకాలంలో దోమల ప్రభావం గ్రామాలలో ఎక్కువగా ఉంటుందని దోమల బారిన పడకుండా తగు జాగ్రత్తలు తీసుకోవాలని అన్నారు.దోమ కాటు వల్ల వచ్చే డెంగ్యూ, మలేరియా వంటి పలు వ్యాధులకు చికిత్స అందించడంలో ఎటువంటి ఆలస్యం చేయకుండా ఆశ,కమ్యూనిటీ హెల్త్ వర్కర్స్ మండల వైద్యాధికారులు తగు సలహాలు సూచనలు ఇస్తూ తగిన మందులు పంపిణీ చేయాలని ఉన్నతాధికారులు ఆదేశాలు జారీ చేయాలని అన్నారు..వర్షకాలం కారణంగా ప్రజలందరూ వేడి నీటిని మాత్రమే తాగాలని సలహా ఇచ్చారు. తడిగా ఉన్న విద్యుత్ స్తంభాలను తాకరాదు అని స్తంభాలు తడిగా ఉండటం వలన విద్యుత్ సప్లై జరిగి అవకాశాలు ఉన్నాయని అన్నారు.

పశువుల కాపుకు వెళ్ళిన వారు చెట్ల క్రింద ఉండకుండా చూసుకోవాలని అన్నారు. సాధ్యమైనంత వరకు వాగులు,వంకలు దాటకుండా ఉండాలని పిలుపునిచ్చారు.