మండలంలోని పైడిమెట్ట గ్రామంలో నందన ఫౌండేషన్  ఆధ్వర్యంలో చలివేంద్రం ఏర్పాటు చేయడం జరిగిందని పౌండేషన్ ప్రతినిధి దేవరపల్లి రవి తెలియజేశారు. ఈ చాలివేంద్రంను తాళ్ళపూడి తహశీల్దార్ శ్రీనివాసరావు ప్రారంభించారని తెలిపారు. మొదటి రోజు దాతల సహకారంతో అందించిన మజ్జిగను గ్రామస్థులకు, వాహనదారులకు, పాదచారులకు  పంపిణీ చేయడం జరిగిందని అన్నారు. ఇలాంటి సేవా కార్యక్రమాలు చేస్తున్న నందన ఫౌండేషన్ సభ్యులను పలువురు అభినందించారు. ఈ కార్యక్రమంలో ఏఎస్ఓ జోడాల వెంకటేశ్వరరావు, ఫౌండేషన్ గౌరవ అధ్యక్షులు ఆలీ, కె.చంద్రశేఖర్ తదితరులు పాల్గొన్నారు.