హెల్మెట్, పత్రాల తనిఖీలతో చిలకలూరిపేటలో ప్రత్యేక డ్రైవ్ నిర్వహించిన ఎస్ ఐ జి. అనిల్ కుమార్
చిలకలూరిపేట రూరల్, పెన్ పవర్, ఏప్రిల్ 05:
చిలకలూరిపేట: మండల పరిధిలోని పసుమర్రు గ్రామం వద్ద గల జాతీయ రహదారి-167ఏ అనుసంధాన మార్గంపై పెరుగుతున్న రోడ్డు ప్రమాదాలను అరికట్టేందుకు గ్రామీణ ఉప పరిశీలకుడు జి. అనిల్ కుమార్ తన సిబ్బందితో కలిసి ఆదివారం సదరు ప్రాంతంలో ముమ్మరంగా వాహన తనిఖీలు చేపట్టారు.
ఈ సందర్భంగా ఉప పరిశీలకుడు మాట్లాడుతూ, ప్రమాదాల నివారణలో హెల్మెట్ ప్రాధాన్యతను వాహనదారులకు వివరించారు. రోడ్డు భద్రతా నియమాలను ప్రతి ఒక్కరూ విధిగా పాటించాలని సూచించారు.
తలరక్షక కవచం లేకుండా ద్విచక్ర వాహనాలు నడుపుతున్న వారికి, లైసెన్స్ , ఇన్సూరెన్స్ వంటి సరైన పత్రాలు లేని వాహనదారులకు చట్ట ప్రకారం అపరాధ రుసుము విధించారు.
జాతీయ రహదారి-167ఏ ను ఆనుకుని ఉన్న గ్రామ ప్రజలు రోడ్డు దాటేటప్పుడు అత్యంత జాగ్రత్తగా ఉండాలని, అజాగ్రత్తగా ప్రయాణించి ప్రమాదాల బారిన పడవద్దని ఉప పరిశీలకుడు అనిల్ కుమార్ కోరారు. నిబంధనలు అతిక్రమిస్తే కఠిన చర్యలు తప్పవని ఈ సందర్భంగా ఆయన హెచ్చరించారు
