గంగవరంలో ‘నిజం గెలిచింది’ కార్యక్రమం

53 రోజుల నిర్బంధం.. న్యాయపోరాటంలో విజయం సాధించాం

తెలుగుజాతి అండకు మరోసారి కృతజ్ఞతలు: టీడీపీ శ్రేణులు

గంగవరం, పెన్ పవర్ సెప్టెంబర్ 9:
మాజీ ముఖ్యమంత్రి, ప్రస్తుత ముఖ్యమంత్రి నారా చంద్రబాబు నాయుడు అరెస్టు, 53 రోజుల నిర్బంధం అనంతరం విడుదలైన ఘటనలను గుర్తుచేసుకుంటూ గంగవరంలో బుధవారం “నిజం గెలిచింది” కార్యక్రమాన్ని నిర్వహించారు. గంగవరం మండల టీడీపీ అధ్యక్షుడు పల్లాల వెంకటరెడ్డి ఆధ్వర్యంలో స్థానిక వై జంక్షన్ లో ఈ కార్యక్రమం జరిగింది.
ఈ సందర్భంగా టీడీపీ నాయకులు మాట్లాడుతూ.. మూడేళ్ల క్రితం రాజకీయ కక్ష సాధింపు చర్యల్లో భాగంగానే చంద్రబాబు నాయుడిపై అక్రమ కేసులు పెట్టి నిర్బంధించారని ఆరోపించారు. ఆయనకు మద్దతుగా ప్రపంచవ్యాప్తంగా తెలుగుజాతి మొత్తం నిలిచి “నిజం గెలవాలి” అంటూ సంఘీభావం తెలిపిందని పేర్కొన్నారు.53 రోజుల అనంతరం చంద్రబాబు నాయుడు నిర్బంధం నుంచి విడుదల కావడం, అనంతరం కేసులకు సంబంధించి న్యాయపరమైన పరిణామాలు చోటుచేసుకోవడంతో “నిజం గెలిచింది” అనే నినాదం మరింత బలపడిందని నాయకులు అన్నారు.

నాటి పరిణామాలను గుర్తుచేసుకుంటూ..

చంద్రబాబు నాయుడు నిర్బంధంలో ఉన్న సమయంలో తెలుగుజాతి మొత్తం ఆయనకు అండగా నిలిచిందని, ఆ మద్దతును టీడీపీ ఎప్పటికీ మరచిపోదని నాయకులు తెలిపారు. నాటి పరిణామాలను మరోసారి గుర్తుచేసుకుంటూ తెలుగుజాతి ప్రజలకు కృతజ్ఞతలు తెలియజేశారు.
ప్రజాస్వామ్యంలో సత్యం, న్యాయం చివరకు విజయం సాధిస్తాయనే సందేశాన్ని ప్రజల్లోకి తీసుకెళ్లడమే “నిజం గెలిచింది” కార్యక్రమాల ఉద్దేశమని పేర్కొన్నారు.కార్యక్రమంలో రాష్ట్ర తెలుగు రైతు అధికార ప్రతినిధి కనిగిరి రాంబాబు, సొసైటీ చైర్మన్ పాము అర్జున్, వై.రామవరం మండల పార్టీ మాజీ అధ్యక్షుడు గొర్లె శ్రీకాంత్, మండల ప్రధాన కార్యదర్శి కనిగిరి సుభాష్, బూత్ ఇన్‌చార్జి పల్లాల వీరభద్రారెడ్డి, గ్రామ కమిటీ అధ్యక్షుడు కనిగిరి నాని, బూత్ ఇన్‌చార్జి చెక్క రాజారెడ్డి, బైరా కృష్ణ, మాజీ ఎంపీటీసీ బుల్లియమ్మ, బూత్ ఇన్‌చార్జి సారపు సత్యవేణి, వీరభత్తుల రాజేంద్ర ప్రసాద్, గ్రామ కమిటీ అధ్యక్షుడు తురోతు వినయ్ కుమార్, బూత్ ఇన్‌చార్జి పాము శివకుమార్ తదితరులు పాల్గొన్నారు.