సీలేరు, పెన్ పవర్, సెప్టెంబర్ 15:సీలేరులోని ప్రభుత్వ గిరిజన సంక్షేమ బాలికల ఆశ్రమ పాఠశాలలో వినాయక చవితి వేడుకల సందర్భంగా ఆసక్తికర ఘటన చోటుచేసుకుంది. పాఠశాల ప్రాంగణంలో ప్రతిష్ఠించిన వినాయకుడి విగ్రహం వద్ద పూజలు జరుగుతున్న సమయంలో ఓ ఎలుక (మూషికం) వినాయకుడి పాదాల చెంతకు వచ్చి కొద్దిసేపు నిలబడింది.దీంతో విద్యార్థినులు, ఉపాధ్యాయులు ఆసక్తిగా తిలకించారు. వినాయకుడి వాహనం మూషికం కావడంతో ఈ ఘటనను అక్కడున్న వారు ప్రత్యేకంగా భావించారు. విద్యార్థినులు, ఉపాధ్యాయులు ఆనందం వ్యక్తం చేయడంతో పాఠశాలలో పండుగ సందడి మరింత పెరిగింది.
