చీరాల, సెప్టెంబర్ 23, (పెన్ పవర్) :
చీరాల నియోజకవర్గ అభివృద్ధిపై ఎమ్మెల్యే మద్దులూరి మాలకొండయ్య ప్రత్యేక దృష్టి సారించారు. వర్షాన్ని సైతం లెక్కచేయకుండా ప్రజలతో మమేకమవుతూ పట్టణంలో చేపట్టాల్సిన వివిధ అభివృద్ధి కార్యక్రమాలపై క్షేత్రస్థాయిలో పరిశీలన చేస్తున్నారు.
చీరాలను సుందర నగరంగా తీర్చిదిద్దే లక్ష్యంతో అభివృద్ధి పనులను ప్రణాళికాబద్ధంగా ముందుకు తీసుకెళ్తున్నారు. ప్రజల అవసరాలను తెలుసుకుంటూ, ఆయా ప్రాంతాల్లో చేపట్టాల్సిన మౌలిక వసతుల పనులపై సంబంధిత అధికారులకు సూచనలు చేస్తున్నారు. పనుల నాణ్యత, వేగం విషయంలో కాంట్రాక్టర్లు తగిన జాగ్రత్తలు తీసుకోవాలని సూచిస్తూ, పనులు ప్రజలకు ఉపయోగపడే విధంగా పూర్తి చేయాలని ఆదేశిస్తున్నారు. అభివృద్ధి కార్యక్రమాల అమలులో స్థానిక నాయకులు, అధికారులు, కాంట్రాక్టర్ల మధ్య సమన్వయం ఉండేలా ఎమ్మెల్యే కొండయ్య చర్యలు తీసుకుంటున్నారని స్థానికులు పేర్కొన్నారు. ప్రజా సమస్యలకు ప్రాధాన్యతనిస్తూ చీరాల అభివృద్ధికి కృషి చేస్తున్న ఎమ్మెల్యేకు ప్రజలు అభినందనలు తెలిపారు.
