చింతూరు, పెన్ పవర్ జూలై 30:
చింతూరు ఆర్టీసీ బస్టాండ్ వద్ద గంజాయి అక్రమ రవాణా జరుగుతోందన్న పక్కా సమాచారంతో పోలీసులు చేపట్టిన తనిఖీల్లో 6 కేజీల గంజాయిని స్వాధీనం చేసుకుని, రాజస్థాన్కు చెందిన ఇద్దరు వ్యక్తులను అరెస్ట్ చేశారు. పోలీసుల వివరాల ప్రకారం, గురువారం మధ్యాహ్నం 3 గంటల సమయంలో చింతూరు ఎస్ఐ ఎం. సంతోష్ కుమార్ ఆధ్వర్యంలో ఆర్టీసీ బస్టాండ్ వద్ద వాహనాలు, అనుమానితులపై తనిఖీలు నిర్వహించారు. ఈ సందర్భంగా రాజస్థాన్కు చెందిన రాహుల్ సైన్ మరియు జై సింగల్ అనే ఇద్దరి వద్ద నుంచి సుమారు 6 కేజీల గంజాయి, రెండు సెల్ఫోన్లు, ఆధార్ కార్డు జిరాక్స్ ప్రతులు స్వాధీనం చేసుకున్నారు. స్వాధీనం చేసుకున్న గంజాయి విలువ సుమారు రూ.3 లక్షలు ఉంటుందని పోలీసులు తెలిపారు. నిందితులను అదుపులోకి తీసుకుని, కేసు నమోదు చేసి దర్యాప్తు కొనసాగిస్తున్నారు. ఈ తనిఖీల్లో మోతుగూడెం వెటర్నరీ అసిస్టెంట్ సర్జన్ అన్వేష్, వీఆర్వో, వీఆర్ఏతో పాటు చింతూరు పోలీస్ సిబ్బంది పాల్గొన్నారు. గంజాయి అక్రమ రవాణాపై పోలీసులు నిరంతర నిఘా కొనసాగిస్తామని, అనుమానాస్పద కార్యకలాపాలపై ప్రజలు వెంటనే పోలీసులకు సమాచారం అందించాలని అధికారులు విజ్ఞప్తి చేశారు.
