గురుపౌర్ణమి వేళ ఈస్ట్ పాయింట్ సాయిబాబా ఆలయంలో ఎమ్మెల్యే వంశీకృష్ణ ప్రత్యేక పూజలు
బ్యూరో రిపోర్ట్ పెన్ పవర్ విశాఖపట్నం, జూలై 29 : గురుపౌర్ణమి పర్వదినాన్ని పురస్కరించుకుని జనసేన పార్టీ విశాఖ నగర అధ్యక్షుడు, దక్షిణ నియోజకవర్గ ఎమ్మెల్యే వంశీకృష్ణ శ్రీనివాస్ తన సతీమణి పద్మజతో కలిసి ఈస్ట్ పాయింట్ సాయిబాబా ఆలయాన్ని బుధవారం దర్శించుకున్నారు. ఈ సందర్భంగా దంపతులు ప్రత్యేక పూజలు నిర్వహించి సాయిబాబా వారి ఆశీస్సులు పొందారు. అనంతరం ఆలయ అర్చకులు అందజేసిన తీర్థప్రసాదాలను స్వీకరించారు.
ఈ సందర్భంగా ఎమ్మెల్యే వంశీకృష్ణ శ్రీనివాస్ మాట్లాడుతూ గురుపౌర్ణమి పర్వదినం భారతీయ సంస్కృతిలో విశిష్ట స్థానం కలిగిన పవిత్రమైన రోజు అని పేర్కొన్నారు. ఈ పుణ్యదినాన సాయిబాబా వారి దర్శనం చేసుకుని ప్రత్యేక పూజలు నిర్వహించడం ఆనందంగా ఉందన్నారు. సాయిబాబా వారి కృపాకటాక్షాలతో రాష్ట్ర ప్రజలందరూ సుఖశాంతులు, ఆయురారోగ్యాలు, ఐశ్వర్యాలతో జీవించాలని ఆకాంక్షించారు.
ఈ కార్యక్రమంలో సి.ఎం.ఆర్. రమణ, అబ్బు, కూటమి నాయకులు, ముఖ్య నేతలు, భక్తులు పాల్గొన్నారు.
