వ్యాపార అభివృద్ధితో ముందుకు – తాడి రామారెడ్డి
కాజులూరు, పెన్ పవర్, ఏప్రిల్ 30:
కాజులూరు మండల పరిధిలోని సలపాక రోడ్డులో ఉన్న ఇండియన్ ఆయిల్ విజయ ఫిల్లింగ్ స్టేషన్ (పెట్రోల్ బంకు) విజయవంతంగా ఒక సంవత్సరం పూర్తి చేసుకుంది. ఈ సందర్భంగా బంకు యజమాని, ప్రముఖ వ్యాపారవేత్త మరియు శలపాక సాగునీటి సంఘం అధ్యక్షుడు తాడి రామారెడ్డి (టీఎంఆర్) కస్టమర్లకు కృతజ్ఞతలు తెలిపారు.
ఈ సందర్భంగా ఆయన మాట్లాడుతూ, “గత ఏడాది కాలంగా మా బంకుపై నమ్మకం ఉంచి, మమ్మల్ని ఆదరించిన ప్రతి కస్టమర్కు, వాహనదారులకు, శ్రేయోభిలాషులకు హృదయపూర్వక ధన్యవాదాలు. మీ విశ్వాసమే మా బలం. నాణ్యమైన ఇంధనం, పారదర్శక సేవలు అందించడమే మా లక్ష్యం” అని పేర్కొన్నారు.
ప్రారంభం నుండి కస్టమర్ సంతృప్తిని ప్రాధాన్యతగా తీసుకున్న ఈ ఫిల్లింగ్ స్టేషన్, తక్కువ కాలంలోనే ప్రాంతంలో విశ్వసనీయ బంకుగా గుర్తింపు పొందింది. నాణ్యతా ప్రమాణాలు పాటిస్తూ, సరైన కొలతలు, వేగవంతమైన సేవలతో వినియోగదారుల ఆదరణ పొందింది. దీనితో వ్యాపార పరంగా మంచి వృద్ధిని సాధించి, స్థానికంగా విశ్వాసాన్ని సంపాదించింది.
ఇకపై మరింత విస్తరణ, సౌకర్యాల పెంపు, ఆధునిక సేవలు అందించేందుకు ప్రణాళికలు సిద్ధం చేస్తున్నట్లు రామారెడ్డి తెలిపారు. కస్టమర్లకు మెరుగైన అనుభవం కల్పించడం ద్వారా ప్రాంతీయంగా ఆదర్శ బంకుగా నిలవాలనే లక్ష్యంతో ముందుకు సాగుతున్నామని చెప్పారు.
ఈ సందర్భంగా బంకు మార్కెటింగ్ అండ్ అకౌంటెంట్ చుండ్రు వీర్రాజు చౌదరి, సేల్స్ విభాగం ప్రతినిధి సూరంపూడి భాను కూడా మాట్లాడుతూ, కస్టమర్ల మద్దతుతోనే ఈ విజయాన్ని సాధించగలిగామని తెలిపారు. భవిష్యత్తులో మరింత నాణ్యమైన సేవలు అందించేందుకు కృషి చేస్తామని హామీ ఇచ్చారు.
మొత్తానికి, తొలి వసంతాన్ని విజయవంతంగా పూర్తి చేసుకున్న ఈ ఫిల్లింగ్ స్టేషన్, తాడి రామారెడ్డి నాయకత్వంలో వ్యాపార పరంగా మరింత పురోగతి సాధించేందుకు ఆదిశగా అడుగులు వేస్తోంది.
శలపాక రోడ్డులోని ఇండియన్ ఆయిల్ విజయ ఫిల్లింగ్ స్టేషన్ తొలి వార్షికోత్సవం
