*ఉపాధిలో బాల కార్మికులు*

పెద్దలతో పాటే చిన్నారులు పనుల్లోనే..

కనీస వసతులు, రక్షణ చర్యలు కరువు

తూతూ మంత్రంగా తనిఖీలు

పుల్లలచెరువు పెన్ పవర్ ఫిబ్రవరి 24 :ఉపాధి హామీలో బాల్యం ఊగిసలాడుతుంది. ఆ చిట్టిచేతులు చక్కని రాతకు, చదువుకు దూరమవుతున్నాయి. చేతిలో బలపం పట్టి చదుకోవాల్సిన చిన్నారులు మట్టి తట్టలు మోస్తూ ఉపాధి హామీ పథకంలో మగ్గిపోతున్నారు.పుల్లల చెరువు మండలం ముటుకుల గ్రామంలో ఉపాధి హామీ పథకంలో చిన్నారులను శ్రమ జీవులుగా మార్చి వేస్తున్నారు.ఇటీవల పుల్లలచెరువు మండలం ముటుకుల పంచాయతీలో కామిరెడ్డి చెరువులో ఉపాధి హామీ పని చేపట్టారు.ఈ పనిలో ఫిబ్రవరి 10వ తేదీ మస్టర్ రోల్ నెంబర్ 25371 న స్వయాన ఫీల్డ్ అసిస్టెంట్ తీసిన ఫోటోలో ఒక బాలికను పనిలోకి తీసుకువెల్లిన ఘటన ఆల్యంగా వెలుగు చూసింది.పెరుసోముల రూపా తండ్రి కృష్ణ అనే 12 సంవత్సరాల బాలికను ఉపాధి హామీ పనిలోకి తీసుకువెళ్లి ఉపాధి హామీ పని చేయించినట్లుగా ఫోటోలు తీసి సర్వర్లో అప్లోడ్ చేశాడు.14 సంవత్సరాలలోపు పిల్లలను పనిలోకి పెడితే ఆరు నెలల జైలు శిక్ష కూడా పడే అవకాశం ఉంటుంది అని సమాచారం. ఈ విషయాలన్నీ తెలిసే తను నన్ను ఎవరూ ఏమి చేయలేరు అనే ధీమాతోనే బాల కార్మికులతో పనులు చేపిస్తున్నాడని గ్రామ ప్రజలు తెలియజేస్తున్నారు. గతంలో హౌసింగ్ సాంక్షన్ అయిన లబ్ధిదారుల డబ్బులను తన పేరు మీద తన భార్య మీద పేరు మీద పేమెంట్ చేపించుకొన్న విషయం బయటకు వచ్చిన అతనిపై చర్యలు మాత్రం ఇంతవరకు అధికారులు తీసుకోలేదు.ఉపాధి సిబ్బంది నిబంధనలను తుంగలో తొక్కుతున్నారు.అయినా బాల కార్మికశాఖ అధికారులు పట్టించుకోవడం లేదనే విమర్శలు వ్యక్తం అవుతున్నాయి.బడీడు పిల్లలు బడుల్లో చదువుకోవాలనే ఉద్దేశ్యంతో 6-14 సంవత్సరాల వరకు ప్రభుత్వం నిర్బంధ విద్యను అమలు చేస్తుంటే వాటిని అమలు పరుచడంలో అధికారులు మాత్రం విఫలమవుతున్నారు. కార్మిక, చైల్డ్‌ ప్రొటెక్షన్‌ అధికారులు నిబంధనలకు విరుద్ధంగా పనులు చేస్తున్న పిల్లలను గుర్తించేందుకు పలు సందర్భాల్లో తనిఖీలు చేపడుతున్నా అవి తూతూ మంత్రంగానే ఉంటున్నాయనే విమర్శలు వ్యక్తం అవుతున్నాయి. ఇప్పటికైనా సంబంధిత అధికారులు ప్రత్యేక దృష్టి సారించి చిన్నారుల కాపాడాల్సిన అవసరం ఎంతైనా ఉంది.