శ్రీ శ్రీనివాస రామానుజన్ అవార్డు గ్రహీత డాక్టర్ సుధాకరయ్య కు అభినందనలు తెలిపిన పెనుబాపల వెంకటేశ్వర్లు
కావలి పెన్ పవర్ నవంబర్13 : కావలి రూరల్ మండలం అన్నగారి పాలెం పంచాయతీ నడింపల్లి వాసి డాక్టర్ సుధాకరయ్య కు ఇటీవల తిరుపతి ఎస్వీ యూనివర్సిటీ రిజిస్టర్ భూపతి నాయుడు చేతుల మీదగా శ్రీ శ్రీనివాస రామానుజన్ అవార్డు అందుకున్న సందర్భంగా నెల్లూరు పార్లమెంటు తెలుగు యువత కార్యదర్శి పెను బాపల వెంకటేశ్వర్లు మంగళవారం ప్రత్యేకంగా అభినందనలు తెలిపారు. ఈ సందర్భంగా పెనుబాపల వెంకటేశ్వర్లు మాట్లాడుతూ మా గ్రామం నడింపల్లి లో పుట్టి పెద్ద స్థాయికి ఎదిగిన డాక్టర్ సుధాకరయ్య కు శ్రీ శ్రీనివాస రామానుజన్ అవార్డు తీసుకోవడం మాకెంతో గర్వకారణంగా ఉందని అన్నారు. మా గ్రామంలో పుట్టి ఎంతో ఎత్తుకు ఎదిగి నడింపల్లి గ్రామానికి ఎంతో పేరు ప్రతిష్టలు తీసుకొచ్చారని కొనియాడారు. అంతటి గొప్ప వ్యక్తి మా గ్రామ వాసి కావటం ఎంతో గర్వంగా ఉందన్నారు. ప్రతి ఒక్కరూ ఆయన జీవితాన్ని ఆదర్శంగా తీసుకొని జీవితంలో ఉన్నత శిఖరాలు అధిరోహించాలని కోరారు. ఎంతో కష్టపడి ఈరోజు ఈ స్థాయిలో ఉండటంఆయనకే సాధ్యమైందన్నారు. ప్రతి విద్యార్థి ఆయన జీవితాన్ని ఆదర్శంగా తీసుకొని ముందుకెళ్లాలని అభిలాషించారు.
About The Author
