బెంగుళూరు బెంగ..! మనకూ తప్పదా..?

ఓవైపు తెలంగాణ ప్రభుత్వ ప్రధాన కార్యదర్శి శాంతికుమారి త్రాగునీటి సరఫరాపై వీడియో సమీక్షలు..! మరోవైపు జిల్లా కలెక్టర్‌లు నీటి ఎద్దడి ఏర్పడితే త్రాగునీటి వనరులకు ప్రత్యామ్నాయ చర్యలు చేపట్టాలని నిత్యం సమీక్షలు, సమావేశాలతోనే సరి పెడుతున్నారు కానీ.. చెరువులు, కట్టుకాలువలు కబ్జాకు గురవుతున్నాయని పత్రికల్లో వార్తలు వచ్చినా చర్యలు మాత్రం తీసుకోవడం లేదు..! ఒక్క మాటలో చెప్పాలంటే అధికార యంత్రాంగం విధులు అక్రమార్కుల కబ్జాలను సక్రమం చేసేందుకేనని స్పష్టమవుతుంది..

జీహెచ్ఎంసి పరిధిలోని చెరువులకు, గొలుసుకట్టు కాలువలకు భద్రతే లేదంటే అతిశయోక్తి కాదు..  పదేళ్ళ క్రితమే ఏఈగా రిటైర్డ్ అయిన రామారావు ఒక్కడినే..! గత పదేళ్ళుగా నార్త్ ట్యాంక్ డివిజన్‌లో ఒకే వ్యక్తి రామారావు ఔట్ సోర్సింగ్ ఏఈగా విధుల్లో కొనసాగటం తీవ్ర విమర్శలకు తావిస్తోంది..

ఈ పదేళ్ళలో  చెరువులు, కట్టుకాలువలు, కబ్జాచేసి నిర్మించిన నిర్మాణాలు పాతవి కూడా అయ్యాయి.. ఏఈ రామారావు రిటైర్డ్ కాకముందు..! అయిన తర్వాత అన్న చందంగా చెరువుల పరిస్థితి అధ్వాన్నంగా తయారైంది.. అంతకు ముందు ఎలా ఏడ్చిందో కానీ..! ఈ పదేళ్ళలో వేలకోట్లు విలువైన చెరువు ఎఫ్‌టిఎల్‌, బఫర్, కట్టుకాలువలు కబ్జాకు గురయ్యాయి..

మాధవ్ పత్తి..మేడ్చల్ జిల్లా బ్యూరో, పెన్ పవర్