రోడ్డు ప్రమాదంకు గురైన వీఆర్ఏలకు జే.సీ. పరామర్శ..

ఎన్నికల విధులు నిర్వర్తిస్తూ మద్దిపాడులో రోడ్డు ప్రమాదానికి గురై ఒంగోలులోని వెంకటరమణ నర్సింగ్ హోమ్ నందు చికిత్స పొందుతున్న మద్దిపాడు మండలం, వెల్లంపల్లి, కొలచనకోట గ్రామాల విఆర్ఎలు సిహెచ్. వెంకటేశ్వర్లు, టి.నరసింహారావు లను, వారి కుటుంబ సభ్యులను బుధవారం జాయింట్ కలెక్టర్ ఆర్. గోపాల క్రిష్ణ పరామర్శించి, వారి ఆరోగ్య పరిస్థితుల గురించి వైద్యులను అడిగి తెలుసుకున్నారు.ఈ సందర్భంగా జాయింట్ కలెక్టర్ ఆసుపత్రి మేనేజ్మెంట్ వారితోను,ఆరోగ్య శ్రీ జిల్లా కో ఆర్డినేటర్ తో ప్రత్యేకంగా మాట్లాడి మెరుగైన వైద్య చికిత్స అందించాలని సూచించారు. వీరి ఆరోగ్య పరిస్థితిపై ఆందోళన చెందాల్సిన అవసరం లేదని వైద్యులు జాయింట్ కలెక్టర్ కు వివరించారు.