కనిపించిన నెలవంక.. నేడే రంజాన్ .

 ముస్లింలు ఎంతో పవిత్రంగా భావించే రంజాన్  పండుగ  గురువారం జరగనుంది. బుధవారం సాయంత్రం ఆకాశంలో నెలవంక కనిపించింది. రంజాన్ పండుగ జరుపుకునేందుకు అన్ని మసీదులలో ప్రకటించారు. ఈద్గా వద్ద ప్రత్యేక ప్రార్థనలు చేయనున్నారు.  రంజాన్ నెల ఆరంభం నుంచి 30 రోజులు పాటు కఠిన ఉపవాస దీక్షలు ఆచరించారు . కంభం పట్టణంలో   13 కు పైగా మసీదులు ఉన్నప్పటికీ అందరూ ఈద్గా వద్దకు వెళ్తారు గ్రామీణ ప్రాంతాల సైతం ఈగ వద్దకే వస్తారు. వేసవి కాలం కావడంతో ఉదయం 9 గంటలకు ప్రత్యేక ప్రార్థనలు ప్రారంభిస్తారు. గ్రామీణ ప్రాంతాలైన హజరత్ గూడెం చిన్న కంభం తురిమెళ్ళ గ్రామాలలో కూడా ఈద్గా వద్ద ప్రత్యేక ప్రార్థనలు చేస్తారు.ఈ నెలలో ముస్లింలు జకాత్ రూపంలో పేదలకు తమ ధనములో రెండున్నర శాతం సొమ్మును దానం చేస్తారు. ముస్లింలు చేసే ప్రార్థన నమాజ్ మానసిక పరివర్తన తెస్తుంది. నిర్మల మనసుతో పాటు మానసిక శారీరక ప్రశాంతత నేర్పుతుంది .ఇందులో భాగంగా రాత్రి చేసే ఇషా నమాజ్ తర్వాత 30 రోజుల రంజాన్ మాసంలో ప్రత్యేక తరావీ నమాజ్ కూడా ఆచరించారు.  ఈ మాసంలో సంపన్నులు పేద ముస్లిం వర్గాల వారికి దానధర్మాలు పేదలను ఆదుకోవడం జరిగింది.