227 ప్రభుత్వ భూమిలో..! నిరంతర రిజిస్ట్రేషన్‌ల ప్రక్రియ..!

బహుదూర్‌పల్లి సర్వే నెంబర్ 227 ప్రభుత్వ భూమి 353.35 ఎకరాలు పోరంబోకు భూమిగా పేర్కొంటూ..! సురేందర్ రెడ్డి అక్రమ షెడ్డుకి "2024 మే 7న" నోటీసులు జారీ చేసిన తహశీల్దార్..! గత జూన్ 28న కలెక్టర్ ఆదేశాలతో రిజిస్ట్రేషన్‌లు నిలిపివేతకు మేడ్చల్ జిల్లా రిజిస్టార్‌కి లేఖను రాసిన తహశీల్దార్..! నిరంతర రిజిస్ట్రేషన్‌ల ప్రక్రియపై దృష్టి సారించక పోవడం పలు అనుమానాలకు తావిస్తోంది.. సర్వే నెం.227 పోరంబోకు భూమిలో జరుగుతున్న పరిణామాలు (యధేచ్చగా రిజిస్ట్రేషన్‌లు, ప్రభుత్వ నిధులతో సీసీరోడ్ల నిర్మాణం ) దేనికి సంకేతం..? హైకోర్టు ఖర్చుల పేరిట 2024 జనవరి 8న ప్రభుత్వ భూమిలోని 5 సొసైటీ ప్లాట్‌లను బొడ్డు రవిశంకర్ రిజిస్ట్రేషన్‌‌ చేయడంపై..! రెవెన్యూ యంత్రాంగం క్రిమినల్ కేసులు ఎందుకు పెట్టలేదు..? ప్రస్తుతం సాయినాథ్ సొసైటీకి అనుకూలంగా తీర్పు రావడం కోసం అంటూ కలెక్టరేట్‌ ఖర్చుల పేరుతో, మరో రెండు ప్లాట్‌లను రిజిస్ట్రేషన్‌ చేసినట్లు సమాచారం.. ప్రభుత్వంపై గెలవడానికి, ప్రభుత్వ ఆస్తులు విక్రయిస్తుంటే సంబంధిత అధికారులు ఏంచేస్తున్నారు..? అక్రమార్కులతో చేతులు కలిపి రిజిస్ట్రేషన్‌లకి సహకరిస్తున్నారా..? "తిలాపాపం తలాపిడికెడు" ఈసామెత సరిగ్గా సూటు అవుతుందేమో..!

మాధవ్ పత్తి.. మేడ్చల్ జిల్లా బ్యూరో, పెన్ పవర్, జనవరి 16:

మేడ్చల్ మల్కాజిగిరి జిల్లా దుండిగల్‌ గండిమైసమ్మ మండలం, బహుదూర్‌పల్లి సర్వే నెంబర్ 227 ప్రభుత్వ భూమి 353.35 ఎకరాలు పోరంబోకు భూమిగా, నిర్ధారణతో నోటీసులు జారీచేసిన రెవెన్యూ యంత్రాంగం నిర్లక్ష్యం వహిస్తుందా..?సుమారు రూ.2 వేలకోట్లు పైచిలుకు విలువైన ప్రభుత్వ ఆస్తులపై ఎందుకింత అలసత్వం..? 227 ప్రభుత్వ భూమిగా పేర్కొంటూనే..! ధరణీ రిజిస్ట్రేషన్‌లు ఎలా చేశారు..? ప్రభుత్వ స్థలంలోని సాయినాథ్ సొసైటీలో మేడ్చల్ సబ్ రిజిస్టార్ కార్యాలయంలో ఏడాది పాటు చేసిన రిజిస్ట్రేషన్‌ల ప్రక్రియను నియంత్రించడంలో మేడ్చల్ జిల్లా అధికారులు విఫలం అయ్యారు.. మరోవైపు సాయినాథ్ సొసైటీ అధ్యక్షుడి హోదాలో బొడ్డు రవిశంకర్ 2024 జనవరి 8న ప్రభుత్వ భూమి, సొసైటీ ఆధీనంలో ఉన్న 5 ప్లాట్‌లు రిజిస్ట్రేషన్‌ చేశాడని "పెన్ పవర్" దినపత్రికలో పలుమార్లు వార్తలు వచ్చినా..! క్రిమినల్ కేసులు ఎందుకు పెట్టలేదు..? తప్పు‌ జరగ లేదా..? పెన్ పవర్ దినపత్రిక తప్పుగా రాసిందా..? సొసైటీ ఆధీనంలో ఉన్న మరో 2 ప్లాట్‌లు ఈమధ్యనే రిజిస్ట్రేషన్‌లు చేసినట్లు, సభ్యుల నుండి విశ్వసనీయ సమాచారం.. ఇంత జరిగినా కలెక్టర్ కనీసం విచారణ జరిపించారా..? ఓ జిల్లా అధికారికి సాయినాథ్ సొసైటీ అధ్యక్షుడు అంత స్పెషల్ ఏంటి..? ఒకే సామాజిక వర్గం కావడమే ప్రధాన కారణమా..?

తహశీల్దార్ నోటీసులు ఇచ్చిన షెడ్డుపై.. చర్యలు లేనట్టేనా..?

గత నవంబర్ 25న బహుదూర్‌పల్లి సర్వే నెంబర్ 227 ప్రభుత్వ భూమిలో అక్రమ నిర్మాణాల కూల్చివేతలు, కంటైనర్‌ల తొలగింపు ప్రక్రియలో సవ్వంగానే ఉన్నప్పటికీ.. దుండిగల్‌ తహశీల్దార్ 2024 మే 7న నోటీసులు ఇచ్చిన అక్రమ షెడ్డుపై ఉదాసీనతతో వ్యవహరించడం పలు ఆరోపణలకు తావిస్తోంది.. అదేంటో కానీ, కంటైనర్‌‌లు తొలగించారు.. ఓ అక్రమ నిర్మాణాన్ని కూడా పూర్తిగా కూల్చివేశారు.. కానీ ఎమ్మార్వో నోటీసులు ఇచ్చిన సురేందర్ రెడ్డి అక్రమ షెడ్డు మాత్రం ఫోటోషూట్ చర్యలతో వెనుదిరిగారు.. ఓ మూలన కొద్దిగా డ్యామేజ్ చేసి సహకరించడం దేనికి సంకేతం..? అక్రమం అని తెలిసినా కబ్జాదారులకు రూ.60 లక్షల ఎస్‌డిఎఫ్ నిధులతో సీసీరోడ్డు వేశారు.. ప్రభుత్వ భూమిలో అక్రమ సీసీరోడ్డు నిర్మాణం ఏ అధికారి సహకారంతో చేపట్టారో, ఈ విషయంలో జిల్లా కలెక్టర్ దృష్టి సారిస్తే బాగుండేది..!

ఏదిఏమైనప్పటికీ రూ.2 వేలకోట్లు విలువైన సర్కారు జమీన్‌లో..! అధికారులు ఏ ఉద్దేశంతో ధరణీ రిజిస్ట్రేషన్‌లు, సబ్ రిజిస్టార్ కార్యాలయంలో రిజిస్ట్రేషన్‌లు చేశారో..? ప్రభుత్వ స్థలంలపొ సీసీరోడ్డు నిర్మాణానికి కలెక్టర్‌ని తప్పు దోవపట్టించి, రూ.60 లక్షలు ఎస్‌డిఎఫ్ నిధులు కేటాయించారో కానీ..!! కబ్జాదారుల సంకల్పం మాత్రం ప్రభుత్వ భూమిని సొంతం చేసుకోవడానికి ఎంతకైనా బరితెగిస్తున్నారని స్పష్టమవుతుంది.. ఈ వ్యవహారంలో అప్పుడు బీఆర్ఎస్ ప్రభుత్వ పెద్దల సాయంతో ధరణీ రిజిస్ట్రేషన్‌లు..! ఇప్పుడు కాంగ్రెస్ ప్రభుత్వంలో ఏడాది పాటు సాయినాథ్ సొసైటీ రిజిస్ట్రేషన్‌లు నిరంతర ప్రక్రియగా కొనసాగినా అధికారుల చర్యలు మొక్కుబడిగా ఉండటం పలు‌ అనుమానాలకి తావిస్తోంది.. తస్మాత్ జాగ్రత్త..