రాజూ క్యాంప్ గ్రామంలో సార్వత్రిక ఎన్నికలపై అవగాహన సదస్సు

మోతుగూడెం

డొంకరాయి ఎస్సై శివ కుమార్, తన సిబ్బందితో వై. రామవరం మండలం బొడ్డగండి గ్రామ పంచాయితీ లోని రాజూ క్యాంప్ గ్రామంలో వచ్చే సార్వత్రిక ఎన్నికలపై శుక్రవారం అవగాహన సదస్సు నిర్వహించారు. ఈ సమావేశంలో డొంకరాయి ఎస్సై శివ కుమార్ మాట్లాడుతూ ప్రతీ ఒక్కరూ ఎన్నికల కోడ్ ను అనుసరించాలని, కోడ్ అతిక్రమించిన వారిపై కేసులు నమోదు అవుతాయని తెలిపారు. ప్రతీ ఒక్కరూ ఓటు హక్కు వినియోగించుకోవాలని సూచించారు. వచ్చే సార్వత్రిక ఎన్నికలు సజావుగా సాగేలా సహకరించాలని కోరారు. యువత గంజాయి వంటి చట్ట వ్యతిరేక కార్యకలాపాలకు దూరంగా వుండాలని తెలిపారు . అనంతరం రాజూ క్యాంప్ గ్రామ యువతకు డొంకరాయి ఎస్సై శివ కుమార్ వాలీబాల్ కిట్ అందించారు. ఈ కార్యక్రమంలో హెడ్ కానిస్టేబుల్ శ్రీనివాస్, కానిస్టేబుల్స్ పోషయ్య, కన్నప్ప రెడ్డి, గ్రామస్తులు పెద్ద సంఖ్యలో లు పాల్గొన్నారు.